(2)

• الصفحة الرئيسية : هنا #

# أحيانا يجب أن نضع للشكوك حَد في حياتنا كي لا نعيش في أوهام ..


( انتظرت زايد ، وودعت صديقاتي .. شعرت بالخوف ، وأفكاري السلبية لا تتركني ، ربما أنا أبالغ اليوم في كل شيء .. مجرد أحاسيس غريبة تراودني من حين لآخر .. حتى أني لم أنتبه في محاضراتي لا أذكر إلا القليل .. تعوذت من الشيطان ، دقائق و رن هاتفي .. كانت أمي المتصله ) ..

: هلا أميه !! بلاكم محد يرد علي ..
" باستغراب " : ليش بسم الله شو صاير ؟
: إنتو شو صار وياكم ؟
" تضحك " : هههه بسم الله عليج ما صاير شي .. زايد بيمرج ..
: متأكده مافيكم شي ؟
: مافينا إلا كل خير يالله في أمان الله ..
: ز زين مع السلامة ..

( الحمدلله أنها مُجرد شكوك لا أكثر .. ابتسمت مرة أخرى لن أبالغ هكذا وأتسرع في الأحداث أحيانا يجب أن نضع للشكوك حد في حياتنا كي لا نعيش في أوهام تزعجنا هكذا .. سأحاول التحدث مع خالد لا حقاً .. إفتقدته كثيراً .. دقائق حتى وصل زايد .. ركبت السيارة وانا مبتسمه وكأن هماً إنزاح عني ) ..

زايد : شو السالفة مستانسه ؟
" أغلقت الباب " : يلا بعد ما يستوي أكون سعيدة ..
" حرك السياره " : لا يستوي بس شو السبب !
: ماشي بس جي ..
: هههه خبله إنتي شو كيف جي بعد ..
: محد غيرك خبل ..
: زين صح شو كنت بقول لج .. ترى خالد !
: شو كمل !؟
: ولا أقول خليها مفاجأه ..

: شو فيه تكلم ما أحب جي عندك شي قوله ..
" ضحك" : خيبه ما أحيدج جي خوافه ، مافي شي بس إحتمال يوقف دراسته ..
" انصدمت" : شوه !! لا تسولف شكلك .. مستحيل!! ..
: مافي شي مستحيل مع خالد يسويها ..
: لا لا ما أصدق ..
: كيفج لا تصدقين ! وبعدين ترى مب من عندي هالكلام أبوي كلمني ..
: لا والله تستهبل كيف يترك دراسته من وين إن شاء الله بيحصل شغل عقب !
: عادي عبالج نحن شرات البنات ، نروم نحصل دوام بدون شهايد ..

" ضحكت " : هههه لا والله وأي دوام هذا بشهادة ثانويه !
: إنتي شعرفج أقول سكتي حشرتينا خليني أركز في الدرب ..
: لا والله منو الأكبر ألحين !
" ضحك " : ههههه من العيوز قصدج ..
: عيوز في عينك زين توني ماكملت عشرين سنه ..
: إلي يشوفج يقول في الثلاثين ..
" انصدمت " : ثلاثييييينن !!!!!
: والله حاله ..
" بعصبيه " : تذكر كلامك عقب زين ..

( زايد دائماً هكذا مشاكس ، لعوب ويحب أن يغضبني دائماً ، غير مبالي في الدراسة ويريد الإلتحاق بالجيش بعد تخرجة من الثانوية العامة .. ليس لديه طموح ولكن يريد أن يكون سند لنا بعد غياب خالد قدر المستطاع ، رغم ذلك أحيانا أشعر بأنه يخفي الكثير عنا .. وعلاقته مع أبناء عمي وخالي غير جيدة ولا أحد يعلم لماذا وماذا حدث بينهم ) ..

: شو سرحانه ..؟
: ماشي ..
: ههههه عصبت ..
: مب معصبه متعوده على إسلوبك الغبي ..
: هههههههههه أوك ..


بعد ما وصلوا البيت :



دخلت أنا وزايد بهدوء ، كانت الخادمه تنظف المنزل كالعادة :
: إيتا ، وين ماما ..
: ماما نايمه ..
"باستغراب" : أميه نايمه هالوقت من شوي تكلمني ؟
: والله مدري .. أنا بروح أسبح وأدور شي آكله ..
: أهم شي الأكل هههه ..

صوت الباب يتسكر : السلام عليكم ..
بصدمه : فااطمه !!!!
" تسلم علي " : خذي عني البي بي ..
زايد : فطووم هنيه شحالج ؟ عساج بخير ..
: هلا زايد الحمدلله ..
"كنت أنا وزايد في صدمه فاطمه هُنا !"

: شو فيكم جيه مستغربيين .. أوف ميته حر ..
دخلت الصاله وأنا وزايد خلفها : فطوم شو مستوي ؟
" بهدوء " : ماشي قلت بمركم ..
زايد بإستغراب : والشنط ؟
: برقد عندكم كم يوم ..
: وحق شو .. عندج بيتج صاير شي بينج وبين بو محمد ؟
: ما صار شي بس قلت له بتم عندكم كم يوم .. شفيكم كل ما قلت شي ولا مريت عندكم قلتو صاير شي ؟
" زايد بارتياح " : أها أوك عبالي بعد .. عيل يلسو إنتو أنا بروح أسبح ..

( جلست بجانب فاطمة ورأيت على وجهها ملامح التعب الشديد ،
هالات العين السوداء .. وجهها الباهت .. وكأنها لم تنم منذ أيام ) ..

: شو فيج ! شكلج تعبانه ؟
: هيه من البيبي حمود ما يخليني أرقد شرات الناس متعبني ..
: حليلج ، الله يعين عيل زين يتي ع الاقل أميه وأنا نساعدج ..
: هيه وأنا جي قلت تدرين بعده ماكمل سنة ووايد أتعب تخيلي طول الليل يصيح ..
: الله يعينج .. يالله ماعلي روحي بدلي ثيابج ألحين ، وأنا بشله عنج لين ما تخلصين ..
" ابتسمت " : بروح حجرتي عيل ..

( أخذت حقائبها وصعدت للأعلى إلي غرفتها ، جيد بأني رتبت غرفتها منذ أيام ونظفتها .. مر الوقت وأنا في الأسفل مع الطفل ، كنت أحاول أن أجعل الطفل محمد يضحك لكن دون جدوى يبدو بأنه يريد أن ينام .. حضنته وقلت .. " حموود متى بتكبر" .. ونلعب معاك ، تضحك وتتكلم ، لم أعرف أن أميز ملامحه هل هي قريبة من أختي فاطمة أو والده .. كل ما أراه طفلُ صغير شديد البياض ، ذو وجه مدور وأعين كبيره ) ..




بعد ساعة : 


( نزلت فاطمة ، كانت ترتدي " مخور" لونه مائل للأحمر لفتني تصميمه الجميل ، أرخت شعرها الأسود الطويل خلف ظهرها ، جميلة فاطمة حتى وإن طغى عليها ملامح التعب لا أدري ماذا حدث لكي تُقرر المبيت هنا ، لكن ما أعرفه بأن أختى فاطمة تستحق أن تعيش بسعادة ..فهي لم تؤذي أي أحد في حياتها ، أما زوجها جميعنا نعلم بأنه سيء التعامل ، حتى أننا نخاف أن يخطىء في حق أختي .. أتمنى أن لا يكون توقعي صحيح ) ..

إقتربت مني وأخذت الطفل : سوري تأخرت عليج خذيت شور على السريع ورتبت أغراضي ..
: لا ما تأخرتي ولا شي ..
نظرت إلي عبائتي : شكلج كنتي يايه من الجامعه ..
: هيه .. إيتاا إيتاا ..
: نعم مدام ؟
: خذي عبايتي وغسلها أوك ..
: أوك مدام ..
" وهي تنظر إلي الخادمه ": كيف تحسين الشغاله أوكيه ؟
ابتسمت : وايد طيبه زين أن بيت عمي عطونا إياها ..
: صج ؟
: هيه والله تعرف كل شي ماشاء الله ..
: خبروني أنها تشتغل عندهم من ثلاث سنين..
: هيه أذكر دوم يوم كنت أزوهم أشوفها ..
: ما أتذكر ..

" ضحكت " : من زود ما كنتي تطلعين من البيت ههههه ..
: هيه والله صدقج ، وياليتني ما طلعت ..
: قصدج تزوجتي ..
" بتوتر " : لا مب جي ..
: هههههه شكلج مكروفه ..
: تقدرين تقولين شبه مكروفه في شغل البيت ..
" كنت محتاره أسألها أو لا " : مممممم انزين ..
" تتأمل المنزل " : توني أنتبه صبغتو البيت ومغيرين الاثاث ..
: هيه من كم يوم .. والأثاث من ذوق أميه ..

: هيه حلو البيج مع الذهبي حبيت الأثاث والصبغ ، بس ماعيبني الإضائه..
: ليش ؟
: مدري الإضاءه الصفره متعبه للعين ..
: أهاا . . بس بشكل عام حلو الترتيب وبسيط ..
: هيه ماشاء الله .. بيتنا كل مره يزيد ترتيب ..
: ههههه حسيتي أبوي صار يهتم بالتغير مب شرات قبل ..
: صح ما قلتي كم باقي للإجازه ؟
: بعدنا اسبوعين عقب بنبدأ فاينل ..
: ويييه عيل خلاص يبالنا سفره ..
: هههههههه تمزحين شو ؟
: ليش؟
: والبيبي .. !!
: بخليه عندكم..
:لا والله ههههههه أقول شكلج مب صاحيه بقوم أسوي لج كوفي ولا شي ..
: ههههه أوك ..


"دقائق وعدت لها " : هاج سويت لج كوفي ..
: تسلمين .. تدرين أفكر أييب مربيه ..
: ليش ؟
: علشان الدوام بتخلص إجازتي .. ولازم أرجع ، أو أخلي الياهل عندكم ..
" باستغراب " : من صجج ؟
: هيه والله .. لا تفكريني بهد الدوام ، أنا من البدايه قلت لكم ..
: مدري والله إلي يريحج .. ترومين إتخلينه هنيه مع أميه ..
: هيه جي أفكر .. لأني والله أخاف من المربيات يعني سبحان الله ماتضمنين شو بيسوون للياهل ..
: هيه كافي المصايب إلي تصير وينشرونها في الأخبار .. كل يوم خبر .. صح خالد بيرد ..
: صج ؟
: هيه أبوي يقول ..

" باستغراب " : ليش خلص دراسته ..
: لا أظن باقي سنه ..
: يستهبل على آخر سنه بيرد !
: والله أنا مثلج إنصدمت ..
: أنا خالد أبد ما أفهم بشو يفكر صراحه .. من فتره كلمته حسيته متوتر ومدري حسيت في شي ..
" باستغراب " : مثل شو ؟
: مدري بس إنتي فكري فيها .. خالد إلي كان طول عمره يبي يكمل دراسته المجتهد .. على آخر سنه غير رايه ! إنتي إتشوفين أن هالشي منطقي ؟
: يمكن يمزح ويانا منو يدري أو أن يوقف ويرد يكمل ..
: الله يعلم ..

" دخلت أمي " : سلام عليكم .. فاطمه!..
" فاطمة تسلم على أمي " :أهلين وعليكم السلام .. هلا أميه شحالج ؟..
: الحمدلله .. ماخبرتيني أنج بتمرين البيت .. كيف حالج ؟
: والله نسيت أخبرج .. وأنا الحمدلله ، تعالي يلسي ..
" أخذت محمد " : فدييييت حمودي قلب يدووه ..
: هههه لازم حفيدها ..
: شفتي كيف ..

أمي : تغارون منه بعد ههه .. منو وصلج ..
: ريلي ..
: عيل مادخل يسلم ..
: تعرفينه مب لازم أقول .. وين أبوي ؟
: أبوج في الحجره سلمي عليه ..
: إن شاء الله حاولي ترقدين حمودي ..



( في منزل آخر ) :




( بعد مرور الوقت أصبح الوقت متأخر والكل على وشك النوم ) ..

في صالة المنزل :

: اونه ههههههههههههههههههههه
: صج ههههههههههههههه بس لاتخبرين حد
: هههههههه مقدر هههههههههههههههههههههههههه ,
: لا صراحه هههههههههه شي يضحك ..
: هههههههه

: خيييبه إنتو الثنتين بلاكم ضححكك ..
" الضحكات تزداد " : ماشي هههههههه
: فهود بقولك شي هههههه ..
" تضربها على رأسها " : هيييه غااليوه قلتلج لا تخبرين حد ..
: ههههههههه أوك ..

فهد باستغراب : تخبرني شو ؟ شو صاير لا تستهبلون ؟
: هههههههههههه ..
" دخلت الأم " : غاللييهه وعهود شو صاير ؟
غاليه وعهود : هههه ماشي ..
: أميه بناتج متخبلات على آخر الليل مانقدر ننام !!
" الأم بعصبيه " : غاليه وعهد يلا رقاد بسكم سوالف وضحك وكل وحده لحجرتها ..
: إنزيين ..

( ذهب كل واحد منهم إلي غرفته ، غرفة فهد وبجانبها غرفة عهد )..

: سكري البااب ..
" اغلقت باب الغرفه وجلست على السرير" : اوووف فهود لازم يستهبل ..
: هههه زين ما عصبت أميه علينا ..
: أكثر من جي ههههههههههه
: غاليوه لاتضحيين بصوت عالي ..
: هههه إنزين ها بخف صوتي ..
: المهم .. باجر بمر بيت عمي أوك ؟
"باستغراب" : منو بياخذنا ؟
: فهد ..
" بصوت مرتفع " : هههههههههههه في أحلامج ..
" تضربها " : خفييي صووتجج ..
: أوك أوك لا تكفخين ..

: المهم ..
: عهد إنتي كله المهم والمهم .. كلميي ههههه ..
: ههههه زين المهم شوفي بنمر عندهم العصر بعد مانرد من المدرسه ..
" بصدمه ": قصدج ننزل من الباص ؟
: هيه ..
: أوه ما أحيدج ذكيه جي ..
" بثقه " : إحم أدري ..
" ضربتها على رأسها " :ذكيه طل منو بيردناا !!!
: آخخخ .. هيه صح كيف نسيت ..
" لحظه صمت " ..

غاليه وعهد في نفس الوقت : عنووددددد ..
غاليه بإستغراب : هههههههههههه هيه بس كيف وهي ماعندها سياره ؟
: سياره زايد ..
: لا شو فشله ..

عهد : المهم لين باجر بندور حل أوك ؟
: أوكيه ، بس تدرين شو المشكله أن فهود ما يداني زايد يعني إذا صار وعرف يمكن يعصب علينا ..
: شدخل .. شوفي من الآخر هو بيعصب في كل الأحوال ..
: ههههههه زين ..
: زين غاليه كلمي عنود شوفي يمكن دوام العصر ف الجامعه ؟
: لا ما أظن ..
: متأكده ؟
: هيه .. يلا نرقد ..

: هيييه شو بنرقد رووحي حجرتج ..
: برقدد هنييه يلا بااي " تتلحف" ..
: هههههههه أونه باي .. يلا برررع أقوول ..
: بس اليوم ..
: المهم تصبحين على خير ..
: وإنتي من هله..





في صباح اليوم التالي ، في لندن :

( شربت قهوتي المعتادة ، وأخذت أتأمل بطاقة السفر .. وأخيرا سأعود إلي وطني ، إبتسمت .. ربما خيره لي أن أعود الآن لهم .. اليوم سأودع كل مكان جميل هنا في لندن .. وسألتقط بعض الصور التذكاريه الأخيره لي هنا .. أغلقت نافذة الغرفه ، وأخذت هاتفي وحقيبتي .. ثم لبست حذائي "والكوت الأسود " أخذت المظله فربما يسقط المطر اليوم ) ..

في طريقي للخروج ..
: خااالدد على وين ؟
: حمد ! ، ولا ماشي قلت بتمشى شوي ..
" بتردد " : أها .. في خاطري كلام أقوله لك وطلب ..
: خير قول ؟
: بصراحه مدري شو اقول ..
:قول ؟
: زين نروح نيلس ف مكان ..
: لا عادي لأني مستعيل شوي ، خير شو فيك شي ؟
: بصراحه أباك تمر بيتا في بوظبي وتشوف أخبارهم أهلي ..
"باستغراب " : أهلك .!
يكمل كلامه : من زمان ماسمعت عنهم شي وأتصل محد يرد علي ، ألحينه صار لي سنه ما أعرف أخبارهم ..
"انصدمت " : بس إنت كنت تقول بأنك تكلمهم ..

" بحزن " : كنت أجذب عليكم ..
: سنه كامله .. وماتدري عنهم شي وإنت هنيه مب هامك شي !!
: شو تبيني أسوي يعني ، كنت أتواصل معاهم فجأه مدري شو صار معاهم خفت وايد صدقني لو تشوفني جي مستانس بس والله كل يوم يمر علي وأنا أحاتي شو صار وأحط أكثر من سبب وتوقع ..
" بعصبيه " : إنت مب ياهل أقولك كيف تتصرف !! تخيل صار معاهم شي وإنت هنيه ..

" يتوسل لي " : إن شاء الله لا .. وعسب جي طلبت منك هالشي .. طلبتك لا تردني مابي منك شي بس مر البيت شوفهم ورد لي خبر .. لو فإيدي كنت مثلك برجع لأهلي ..
: والله صدمتني ..
" بحزن " : خالد نحن حالنا مب مثلك .. عندك أب تعتمد عليه يساعدك .. أبوي ما يسأل ولا يهتم بحد محد يصرف عليهم ويشوف شو يحتاجون حالتنا الماديه صعبه ، أنا مجبورأكمل دراستي علشانهم .. علشان لما أرد ما أخليهم يحتاجون لحد .. ومالقيت حد غيرك ..

( لأول مرة أرى هذا الجانب من حمد لم أتوقع أبداً أن يكون وضعهم هكذا صدمت بل صعقت من كلامه .. شعرت بأنه لم يقل كل شيء وكأنه متردد ، ويشعر بالخجل مني .. كلنا هنا نكمل دراستنا لكن لا أحد منا يملك السبب نفسه لأول مره أقابل شخصا يكمل دراسته من أجل عائلته ظنت بأنه لا يحدث هذا الشيء إلا في الدراما ، كان دائماً يبتسم ويضحك معنا ولكن لا أحد منا عرف هذا الجانب الآخر من حياته) ..

" مسحت على ظهره " : خلاص ماعليك بمر عطني عنوان بيتكم .. وإن شاء الله بأقرب فرصه بمر ..
: أريد وعد منك ..
: ليش مب واثق في كلامي ؟
: اسمحلي خالد واثق فيك بس أريد ضميري يكون مرتاح ..
: خلاص وعد مني أقرب فرصه أمر أسأل عنهم ..
" براحه " : مشكور ماقصرت .. والله أني كنت طول الليل أحاتي كيف ببدأ معاك وبطلب منك .. خفت تردني وتقول أنك ماتقدر .. وما حبيت أمنع ترجع لأهلك علشان لا تقول أني كنت أشجعك تترك دراسك بس علشان أطلب منك هالطلب ..
: شو هالرمسه .. أنا ما بفكر في هالشي لا تحاتي .. مره ثانيه إذا في شي قول .. إنت شرات أخوي ..
: تسلم والله ماتقصر والنعم فيك ..
: الله ينعم بحالك .. طرش لي وين بيتكم ع رقمي ومايصير خاطرك الا طيب ..
: إن شاء الله والسموحه مره ثانيه ماحبيت تشوفني جي ..
: مسموح ماعلي معذور والله لو كنت في مكانك كنت بسوي نفس الشي ..
"ابتسم " : يلا خربت عليك مشوارك .. في أمان الله ..
: لا عادي ولا يهمك ..

( أكملت طريقي خارج المسكن إلي الشارع .. يالله كم أشفق على حال حمد .. أتمنى أن لا أنسى وعدي له ، ذهبت إلي كل مكان أحبه وإلتقت الكثير من الصور ، حتى حان موعد صلاة الظهر .. عدت وأنا سعيد .. مبتسم زرت بعض الأماكن التي أحبها سأصلي وبعدها سأذهب لتناول وجبتي المفضله للمرة الأخيره ، لكن من يدري ربما أعود هنا كزياره لاحقاً .. ولن أنسى أن أودع الجامعة والأساتذه وزملائي الطلاب ) ..

بعيداً .. عند إنهاء الدوام المدرسي :

غادرت جميع الطالبات إلي الحافلات المدرسية أما عهد وغاليه..

: غاليوووووووه يلا بسرعهه ..
: وييت وييت ماتشوفين أحط الكتب في الشنطه ..
: خيبه ساعهه ..
: هههههه سكتي توهقت مخليه كل الكتب والدفاتر والأوراق وحتى الملفات في الصف لازم آخذ كل شي ولا كيف بدرس عقب ..
: أصلا إنتي متى خذيتي كتبج معاج البيت .. حبيبتي هذي آخر سنة لازم ننجح ..
: أعوذ بالله طبعا بنجح ، ليش نفسج أنا ..
: أوهو زين لازم تذكريني .. المهم يلا خلصي ..

" بابتسامه" عادي تحطين هالكتب في شنطتج !
: لا والله !!
: والله صج ماشي مكان عندي !يلا عهووود ..
: مافيني شلي الباقي فإيدج ..
: أوف مب منج مني أنا ..
: يلا امشيي ..
: زين زيين ..

( تحركت غاليه وعهد إلي موقف الحافلات ) ..

: يلا .. خلينا نيلس جدام أوك ..
: إنزين على الأقل ساعديني شلي وياي شي ..
: زين ليش كل هالملفاتت !!
: شوفيج ملف لكل ماده سأليهم همم ليش تسإليني أنا ..
: زين عطيني يلا ..

: أوه غاليه في باصنا اليوم ؟
: هلا حمدوه ، يب بنروح بيت عمنا ..
باستغراب : بيت عمكم !
: ههههه شو فيج هيه بنروح بيت عمناا ..
: عادي جي بلبس المدرسه ؟
: هيه عادي شو المشكله ..
ضحكت : إلي يشوفج يقول شارده من المدرسه ههههههه ..

: هاهاهاا سخيفه ..
: مب أكثر عنججج ..
: لا والله !!
: هيييه
تتدخل عهد : .. غاليه تعالي يلسي انتي صوب الجامه وأنا بيلس هنيه ..
:اوف زين ..
" عهد وتنظر إلي حمده " : وإنتي روحي مابي أسمع صوجج ..
: بسم الله شو فيها اختج !!
" غاليه وتأشر في يدها " : اوش ..

عندما وصل الباص إلي منزل عمهم "بو خالد" نزلت عهود مع غاليه بحماس ..

: يلا ندخل ..
: زين إنتي دقي الجرس ..
" يرن جرس المنزل "
: غاليوه شو السالفه محد يرد !!
: صبري ..

" مر الوقت غاليه بتوتر " : هيه مافينااا نيلس في حوش بيتهم ..
"عهد تضرب الباب " : في حد داخل !!
" بدأ التوتر يزيد " : تخيلي محد في البيت كلهم طالعين ههههههههههه
: بعد تضحين !!!!
: من التوتر ههههههه ، اييه والله صج اتصلي على عنودد ..
: أوك ويت .. " تتصل" .
: شو ردت ؟
عهد : هيه هلالاااا عنوود ويينج !! ... أونه !! .. عبالي في البيت زين وين أمج وعمي !! .. مدري محد يرد علينا.. هيه نحن في البيت .. ههههه شو نسوي ألحين .. مافيني أتصل أكلم فهد .. هههه والله يمكن راقدين زين بنتريا .. أوك مع السلام ..

: شو قااالت ؟
: تقول عندها كلاس ألحين بتتأخر .. شوفي قلت لج ماسمعتي ..
: شت شو بنسوي ألحين !!
: نتريا بعد شوو ..

يتبع .. !