23

الفراق يرمس المحبة من بعيد ..

الفراق علشان نرجع مره ثانيه ؟ .. 

تمر الأيام ويمكن نلتقي بناس شفناهم مره ثانيه ..

ويمكن مانشوف ناس كنآ دوم نشوفهم !

كأن الدنيا تقول لنا نستعد لكل شي يمكن يصير ..

نتوقع أي شي بلحظه يصير .. 

لحظات من حياتنا نرسمها في أفعالنا وأقوالنا ..

بين إلي نحبهم وبين إلي نحس بكره لو بسيط ..

بين ناس نعرفهم وبين ناس مانعرفهم بس يمكن نعرفهم عقب !

يمكن نتراجع من أشياء كنا نريد نسويها ويمكن نقرر نسوي شي مافكرنا أن في يوم نسويه .. !

" من قال أني أنتظر الاعتذار .. لآ والله حتى الإعتذار ما أريده" 

.

.

يلست محتار حمد شو تبي في البنت .. لاتسوي مشاكل في المستشفى ألحين .. بس أريد أعرف إهي ولا لا ..

شويه أسمع صوت الباب ينفتح تحركت صديت ويهي و أوني أتكلم في التلفون ..

شفتهاا طالعت علي وكأنها تفكر بس أنا سويت عمري ما أشوفهاا .. !! حتى أني ما عرفت إذا هيه ولا لا ..

شفتهاا تحرك وتبي تظهر إستغرب وين تبي تسير هذي ؟؟ لحقت وراهاا بدون ماتحس ..

كانت تمشي بسرعه وشويه ظهرناا من المستشفى شفتهاا وقفت وطلعت فونهاا كأنهاا تبي تتصل على حد أو شي !!

سمعت فوني يرن مب وقته ماردييت .. 

رحت صوبهاا وقلت : إختي لو سمحتى ممكن سؤال ..

إلتفت وشافتني نفس النظرات إلي شفتهاا قبل هذي هيه نفسهاا البنت إلي شفتهاا !!.. 

تحرك تبي تمشي بس مدري شو صار فيني ومسكتهاا : وين بروحين أهلج يحاتوونج ردي المستشفى ..

طالعتني وإلتفت كأنها تقول هدني الناس يشوفوناا ..

نزلت راسي و قلت لهاا : برجعين المستشفى ؟؟ 

... ماشفت رد طالعتهاا 

هزت راسهاا بمعنى هيه حسيت أنها ماتبي حد من أهلهاا يشوفناا ..

قلت : نرجع المستشفى .. 

شفتهاا تحرك راسهاا بمعنى لآ ..

إستغرب بعدهاا ماتحب ترمس : ليش تخافين إلا هيه مستشفى وأحيدج من قبل تروحين المستشفى ..

شفتهاا تلتفت وتحركت تمشي .. 

أووف برايهاا أنا شو أبي فيهاا تروح وين ماتبي بس هذي مب من صجهاا ظهرت من المستشفى !!

شفت فوني رديت : هلآ .... أهاا .. مب مشكله ألحين يااي .. أوك في أمآن الله "كنت أرمس وأراقب البنت "

سكرت فوني ورحت صوب السيارة .. ركبت سيارتي وشغلتهاا يالله أروح الشركه يتريوني ورحت ..

.

.

كنت أمشي ياربي ما اريد أرجع المستشفى مره ثانيه يالله عنود تعالي ماعندي حد غيرج ..

وهذا مب غريب علي شكله بس نسيت وين شفته أخاف يعرف مايد ويخبره ..

يالله عنود تعالي عموه مريم مستحيل اتييه لأنها في المستشفى وأستحي أرمسهاا.. 

راسي يعورني مقدر أفكر في شي أحس بتعب إلتفت شو بسوي ألحين .. 

.

.

كملت طريجي ووصلت الشركة شفت بو فيصل .. سلمت عليه ..

وقلت : ها شو صار وياكم ؟

بو فيصل : والله ماشي بس تدري في أوراق وأمور لآزم تشوفها ..

رديت : أوك مب مشكله "وكنت بسير مكتبي بس"

بو فيصل : حمد أقولك ؟

طالعته : هلا ؟

بو فيصل ويحاول يتذكر شي : في واحد مدري شو اسمه يقول يبي يشوفك !

يشوفني ! : كيف يعني ؟

بو فيصل : والله مدري عنه لما رمسته خبرني منو إلي مسؤول عن الشركه قلت حمد ال... شكله يعرفك ..

رديت : أها أوك خلاص مب مشكله .. 

بو فيصل : ألحين أهو مب موجود يمكن يمر عقب ..

قلت : أوك "ورحت مكتبي"

سكرت الباب ويلست في الكرسي أفكر ..

منو إلي يعرفني !! معقوله حد اعرفه ؟؟

.

.

*********************************

" أود أن أعيش بسلام بعيد عنهم " ..

.

.

شفت سياره يت صوبي هذي عنود ..

نزلت ويت سلمت علي حضنهاا بقو ..

عنود : يزوووي بلآج خوفتيني عليييج ألحين جاسم بيسوي لي سالفه مايدري أني برع ؟؟

كنت أصيح بحضنهاا ..

طالعت عليهاا شوفيهاا : يزوي خلاص بلآج !!

ماشي رد ..

دخلتهاا السياره وشغلت السياره : يزوي فديتج سكتي عورتي قلبي ..

شفتها كتب في الفون (عنود دخيلج لاتخليني)

قريت : مابخلييج خلاص سكتي لاتصيحين (وطلع كلينكس عسب تمسح دموعهاا) .. خلاص هدي ..

شويه وأشوفها تسكت كتبت لي (عنود بسير بيت يدوه)

شفت الكلآم : خلاص بوديج ألحين لاتحاتين ..

[ عند مايد دخل وماحصل اليازيه انصدم وين ساارت ويلس يدورهآآ ..

كسرت خاطري وايد أكيد أخوهاا وأمهاا السبب حرام عليهم يستغلون أنها ماتروم ترمس ..

هذا فوني يرن "جاسم" أرد ولا شو برد : ألوو ..

جاسم ويصارخ : عنووووود ويييييينج ؟؟

ياربي رحت فيهاا هذا معصب من الخاطر طالعت اليازيه وابتسمت قلت : هلاا وغلآ حياتي ..

جاسم وشبه منصدم : شو قلتي ؟؟؟؟؟؟؟؟؟؟؟؟؟!!!!!!!!

شكله منصدم خخخ شو اقول : هاا أقصد شحالك عساك بخير ؟؟

جاسم ومستغرب : بخير إنتي وين ؟؟

أشوه شكله هداا وسارت العصبيه : أناا سرت أشوف اربيعتي في المستشفى السموحه كنت بخبرك بس من الخوف ..

جاسم : أها خلاص مب مشكله سلامات إن شاء الله بس لآ إطولين ..

رديت : إن شاء الله ..

جاسم : في أمآن الله "وسكر"

أوووف أشوه خخخ والله كنت أحس أنه بيرتكب جريمه فيني شفت يزوي الي متوتره .. 

وقلت : يزوي بلآج ألحين بنوصل لآتحاتيين ..

شويه و صلت بيت يدوه : وصلناا "شفتهاا طالعتني وكتبت" .. لآتخبرين حد 

رديت : لآ مابخبر أنزل وياج ولآ ..؟؟

هزت راسهاا بمعنى لآ ..

قلت : أوك خلاص أي شي تبين طرشي مسج أنا لآزم أرجع جاسم بيعصب ..

هزت راسها بمعنى إنزين .. كآن خاطري أدخل معاها بس ما أقدر "رجعت البيت"

.

.

حسيت بخوف مايد لآزم ما يعرف أني إهنيه دخلت .. عندي نسخه من المفتاح يوم يدوه عطتني " كان البيت هدوء"

سرت عند حجرة مهره ودقيت الباب .. 

مهره : منووو ؟؟ ..

دقيت مره ثانيه فتحت الباب وانصدمت : يزووووووي!!

سوت لهاا حركه بمعنى اووش .. دخلت وسكرت الباب عقب قفلته ..

مهره إتشوفني مستغربه : يزوي بلآج ؟؟ ليش إنتي إهنيه ..

ماحسيت بعمري إلا وأنا أحضنهاا بقوو ..

مهره ومتوتره : يزوي شو صاير تعالي يلسي ..

ويلسناا على الشبريه .. مهره : شو صار ؟؟

كتبت (بتم عندج كم يوم ما اريد تخبرين يدوه )

مهره ومستغربه : حيااج بس أمج تدري...

هزيت راسي بمعنى لآ وكتبت (لآتخبرين حد) ..

مهره وبستغراب : ليش ما أخبر حد ؟؟ عقب بتصير مشاكل ..

كتبت (مهره علشاني لاتخبرين حد أني عندج) 

مهره :خلاص الي يريحج .. 

حست بألم براسي مسكت راسي ..

مهره :  سلامات شو راسج يعورج ..

هزيت راسي معنى هيه .. 

مهره : خلاص ارتااحي وبروح أسوي لج شي تشربينه .. 

.

.

.

*****************************************

" لو أقدر .. كنت من زمان سويت إلي أباه" 

.

.

دائما أنتظر اليوم الذي سأكون سعيدة مع من أحب ..

بعيدا عن الأمور السيئة وتلك الأمور المحزنه ..

أود أن يتحقق حلمي وأن نكون عائله ..

حيث .. 

الفرح والمحبة والضحك والمرح ..

.

.

رجعت من المدرسه تغديت ويلست كالعاده في حجرتي وأميه نايمه ..

حدرت المسن ماحصلت حد عقب ظهرت .. 

شفت الساعه صارت 3:40 مدري انام ولآ ..

بس سمعت فوني !! شفت كانت عواش رديت : هلآ ..

"عواش : أهلييييييييييين وسهلييييييييييين ..

رديت : ووردتييييين لج ولي ..

"عواش وتضحك : هههه لا لي بس أناا .. 

ضحتك : ما أحيدج بخليه لهدجه ..

"عواش : خخ اسووولف المهم شحاالج ؟؟

رديت : والله بخير ماشي الحال إنتي شحالج ؟؟ وشحال عبود ؟؟

"عواش : كلناا تمام التماام ومديم ان شاء الله ..

رديت : أجمعين ..

"عواش : أقوولج أريد أشووفج كيف أقدر أشوفج ؟؟ شرايج إتيين عندناا اوف أمج ماترضى نسييت ..

ضحكت : هههه يب ماترضى تعالي إنتي وعبود شرات المره الي طافت ..

"عواش : لآااااا شوو أخاف تشوفناا أمج ..

رديت : لآ لماا تظهر إهي إنتوا تعاالوا أنا بخبركم ..

" عواش واتفكر : ممممممممممممممممممممممممممم خلاص تم باجر ..

استانست : أوك ..

"عواش وتفكر : ممم ندوش أقولج ..

رديت : قولي ؟؟

"عواش : مممممم كنت بسألج من زمآن إنتي بعدج ترمسين حمد في المسن ؟؟

رديت : لآ من زماان مارمسته من شهووور ..

"عواش بحسافه : شو هالحظ من شوي رمست عنود تقول شافت حد يشبه حمد .. شكلهاا تتخيل ..

إستغربت : يمكن أهو لأن خبرني بعد سنه بيرجع وألحين مرت سنه وشي !!

"عواش ومنصدمه : يعنيييييييييييي أهوووو ..

رديت : مدري يمكن ويمكن لا ..

"عواش وتفكر : لا ما اتوقع لو حمد كان ييه البيت إتصدقين أميه بعدهاا مب طايعه ترمس حد ..

وحليلهاا : صبروا عليها شوي ..

"عواش : صج ما امزح تقول وين حمد اتصلوا فيه إتفكر أنا نعرف وينه ..

......... : ندى ندى ..

رديت : عواش أميه تبااني عقب بكلمج يالله مع السلآمه ..

" عواش : أوكييك تك كيير بااي "وسكرت"

قلت : ألحيييين ياايه ..

.

.

.

****************************************

" كيف بقدر أعيش مرتاح البال والدنيا ماتخلي حد في حاله" ..

.

.

يلست أكمل شغلي وقلت بتصل أطمن على استيفن ..

إتصلت بس مايرد سمعت صوت الباب قلت : تفضل ..

.............. : سبرااااااايز فريند ..

طالعت عليه : إستيييييييييييفن انت مب المفروض في المستشفى ..

ييه ويلس على الكرسي : لا لدي عمل والآن أنا بخير وأشعر بتحسن ..

من صجه هذا قلت : استيفن متأكد ..

استيفن ويهز راسه : نعم ، وأنت لماذا تركتني كنت أتوقع منك الخيانة ..

ضحكت : ههههههه خيانه والله السموحه كنت مطر وشفتك نايم ..!!!

استيفن أونه زعلان : حتى ولو كنت نايم أنسيت أننا أصدقاء والصديق لايترك صديقه ..

رحت صوبه : يالله عااد والله شفتك نايم قلت شو بسوي بقعد بطالعك ؟؟

استيفن ويضحك : ههههه حسنا حسنا فهمتك لقد أتيت كي نخرج معا أود رؤيت البحر دعنا نذهب معا ؟؟

فكرت أروح ولا : مممممم ..

استيفن : حسنا لا بأس سأذهب وحدي ..

طالعت عليه : لآ شو بروح وياك ..

استيفن وبنص عين : إن كنت لا تريد لا بأس ..

رديت : بسييير وياك بلاك شكلك انت ماتباني أسير وياك ؟؟

استيفن : دعناا الآن من هذا الكلام وهيا نذهب ..

"عقب ظهرناا وركبنا في سيارتي استيفن يصدمني أحيانا توه تعبان وألحين يبي يتمشى صوب البحر هههه قوي "

.

.

رحت السوق على السريع وشريت ساعه حلوه وعيبتني وااااايد واايد غلفتهاا وحطيت لهاا كرت على الطرف ..

وعقب رديت البيت حسيت أني تأخرت وايد بس يالله ..

وصلت ووقفت سيارتي في الحوي ونزلت ..

أول ما دخلت البيت كالعاده ..

........: يالله شرفت ..

رحت وقلت : السلآم عليكم ورحمة الله ..

عايشه وبدون نفس : وعليج السلام ..

ما سويت لهاا سالفه رحت الحجره وشفت جاسم نايم ممممممم بحطهاا حذاله فالطاوله أول مايقوم بيشوفهاا ..

زين وحطيتهاا على أساس هديه مني خخخ المهم ماتصير مشاكل يمكن تغير شي هالهديه ..

ورحت خذيت ثيابي ودخلت أتسبح ..

بعدهاا خلصت وطلعت وصليت المغرب شفته بعده ناايم !! ماشاء الله نومة أهل الكهف هذي ..

برايه قلت بروح الصاله دخلت وسلمت ويلست ..

عموه : عيل وين ريلج ؟؟

رديت : نايم شكله تعباان ..

عموه : صل المغرب ؟؟

رديت : مدري أتوقع لآ ..

عموه : وليش حضرتج ماوعيتيه يصلي ..

ياربي وقف : إن شاء الله ألحيين بسير وبقعده ..

وسرت الحجره وقلت : جااااسم جاااااااااااااسم .."عقب انتهت أنه مب موجود!!!"

سمعت حد من وراي : شو بلآج ؟؟

التفت : بسم الله من وين طلعت .. أقصد صليت ؟؟

جاسم ويروح ياخذ السياده : ألحين بصلي .. 

قلت : زين تقبل الله "وظهرت من الحجره "

أووف مابسير الصاله بسوي لي محاظره ما أدااني كلامهاا بروح المطبخ ..

رحت أدور شي حصل كيكه خذيتهاا ويلست آكل والله مشتهيه آكل من إيد شهد بنت عموه نوره من زمآن عنهاا ..

والله بعدني أفكر أخلي حمد يتزوجهاا وأتوقع أميه نفس الشي مممممم بتصل أشوفهاا ..

....... : ألو ..

رديت : هلآ وغلآ ااا وينج لآ سلام ولا كلآم ماتسإلين عناا ؟؟

شهد وتضحك : ههه السموحه والله مشغوله شوي شحالج ؟؟

رديت : بخير مشغوله بشوو ؟؟

شهد : هاا ماتدرين صح ماخبرتج مابتصدقييين ..

يلست آكل الكيك وأكلمهاا : لآ بصدقج قووولي ..

شهد : إنخطبت ..

شرقت بالكيك : شو كح كح .. 

شهد ومستغربه : بلآج أقولج انخطبت والملجه قريب إن شاء الله ..

شليت الكلينكس  وشربت ماي : هاا من صجج ؟؟

شهد : بلآج هيه من صجي ..

رديت بأسف : أها مبروك حياتي تستاهلين ..

شهد ومستانس : الله يبارك فيج ..

حسافه شو هالحظ كنت أباهاا لحمد وين أصلا حمد شكله مايفكر غير بدراسه ..

شهد : ألوو ألوو ..

رديت : هلآ معاج حياتي عقب برمسج إنزين ..

شهد : أوك سلمي على الكل ..

رديت : يوصل في أمآن الله "وسكرت " .. شووو هالحظ يالله ان شاء الله خير .. 

.

.

.

[ عند يزوي مهره كانت وياها وشكلها يزوي نامت ظهرت مهره وسكرت الباب وسارت الصاله ..

مهره : شكلها يدوه نايمه يالله بشوف تلفزيون ..

شويه ودخل سلطان : السلآم عليج ..

مهره : وعليكم السلآم ..

سلطآن ورايح صوب حجرة مهره : مهروه بااخذ الجاارج ..

مهره : أوك "وعقب انتبهت أنه رايه الحجره راحت صوبه : ويييين لحظه ..

بس سلطان فتحت الباب : بلآج ؟؟

مهره ووقفت جدامه : مااشي أناا بعطيك الجارج ..

سلطآن ويطالع : منو الي ناايم في السرير ؟؟؟

مهره : هاا هيه يدوه ..

سلطآن وبشك : مهرووه يدوه توني مريت صوب حجرتهاا وشفتها ناايمه ..

مهره وتسرك الباب : سلطان بقولك شي لاتخبر حد ..

سلطآن ومستغرب : شو ؟؟

مهره : إلي داخل اليازيه بس لاتخبر حد بليز ما اريد حد يعرف ..

سلطآن ومنصدم : شوو الياازيه !!! 

مهره وادزه : هيه اليازيه يالله روح أنا بييب لك الجار "ودخلت وخذت الجارج وطلعت "

سلطآن ويفكر " ليش إهيه إهنيه !! شو صاير؟؟"

مهره : خذ .. ومثل ماقلت ما اريد حد يعرف إنزين ..

سلطآن ويسوي عمره مب مهتم : مابخبر حد برايكم "وسار"

يوم ظهر شاف عهد وفاطمه : السلام عليكم ..

عهد : وين مهره ..؟؟

سلطآن ويأشر داخل : بتحصلينهاا فالصاله ..

............. : هلآ والله سلطه ..

عهد وفاطمه : هههه "وعقب دخلوا"

سلطآن ويسلم : أهليين سلطه في عينك جيه اتفشلني جدام خواتك يالدوب ..

........ : ههههههه مب مشكلتي أنا متعود أقول سطله ..

سلطآن : خخخ إنزين أقلك حمدان شحالك وكيف الشغل تعاال بنروح الميلس محد موجود ..

حمدآن : والله بخير كل شي تماام وإنت ؟؟

سلطآن : والله ماشي تمام . . 

"وعقب دخلوا الميلس ويسولفون" 

.

.

[ عند مهره دخلوا البنات ويلسوا يسلمون على بعض ومهره استانست وايد .. 

مهره : حيااكن يلسن ..

عهد : تسلميين والله وشوو أخباارج بعد ولهت عليج ..

مهره وتضحك : ههه بخير مثل ماتشوفين أخبارج فطوم ..

فطوم : والله زينه الحمدلله تسلمين ..

مهره : خبار خالتي وخالي .. 

عهد : الحمدلله كلهم بخير ويسلمون عليكم ..

مهره وتبتسم : ربي يسلمهم من كل شر ..

فطوم : آميين "وتلتف" عيل وين يدوه ؟؟

مهره : ناايمه ..

فطوم : أهاا ..

مهره وتوقف : لحظه عيل بروح أييب لكم شي تشربونه .. 

عهد : لآتعبين عمرج ..

مهره : شو لآ أتعب عمري ..

فطوم وتوقف : يالله بروح ويااج .. "وعهد نفس الشي وقفت" ..

مهره : أوك مب مشكله يالله "وساروا المطبخ" ..

.

.

**************************************

ربما آن الوقت كي أثبت نفسي بينهم ..

وأكون أنا وليس مايريدونه ..

أن أقول مافي داخلي ..

وأن أفعل ما اريد .. 

" منو يدري يمكن الصمت أبلغ من الكلآم بس في حالتي غير!"

.

.

قمت وشفت عمري في سرير مهره..

وينها مهره أخااف خبرت حد أني إهنيه !! لآ ما أتوقع طالعت وماحسيت الا وأناا أقول : مهههره